Plantun de Prouvènço

Pèr coumpara dos planto d'encò nostre

Phlomis herba-venti & Anthriscus sylvestris

fotò
fotò
Erbo-batudo

Phlomis herba-venti

Lamiaceae Labiaceae

Àutri noum : Sàuvi-bouscasso, Sàuvio-sóuvajo, Sàuvio-blanc.

Noms en français : Herbe aux vent, Phlomis Herbe au vent.

Descripcioun :
L'erbo-batudo trachis en mato dins lis ermas e en ribo de camin. Es uno planto proun ramificado que fai de poulìdi flour roso en verticillo. Li fueio e li bratèio soun en lanço, dentado e bourrihudo. La labro de dessus di flour, coume tóuti li Phlomis es en casco.

Usanço :
La planto èi vertuouso contro li plago e li macaduro (vulneràri). De prouprieta anti-enflamativo e anti-óussidanto soun couneigudo. Dins d'ùni relarg se metié en deforo dis oustau pèr aganta li mousco (F. Couplan, op.cit. p. 369).

Port : Erbo
Taio : 20 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Phlomis
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 1,5 à 2,5 cm
Flourido : Printèms - Estiéu

Sòu : ca
Autour basso e auto : 0 à 1200 m
Aparado : Noun
Mai à juliet

Liò : Ermas - Camin - Tepiero seco
Estànci : Subremediterran
Couroulougi : Estenoumediterrano
Ref. sc. : Phlomis herba-venti L., 1753

fotò
fotò
Cerfuei-fèr

Anthriscus sylvestris

Apiaceae Umbelliferae

Àutri noum : Cerfuei-sóuvage, Cerfuei-bastard.

Noms en français : Cerfeuil des bois, Cerfeuil sauvage.

Descripcioun :
Lou cerfuei-fèr es uno lanto coumuno en ribo de ribiero e dins li relarg fres. Au contro di Chaerophyllum, li petalo soun entiero. Li cambo soun boutisso e li fru soun long (8 mm), lisc e negre un cop madur. Un bon biais pèr lou recounèisse, i'a toujour au bout d'un long pecou entre li ramificacioun, uno pichoto enflourejado (fotò). Coumpara emé lis Chaerophyllum pèr pas s'engana.

Usanço :
Li fueio e li cambo soun manjadisso. L'óudour di fueio fan s'enfugi li mouissau.

Port : Grando erbo
Taio : 0,5 cm à 1 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Anthriscus
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun

Liò : Ribiero - Colo - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Anthriscus sylvestris (L.) Hoffm., 1814

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
C
C
CC
C
CC
CC
R
R

Phlomis herba-venti & Anthriscus sylvestris

C
C
C
CC
ges
RR
ges
ges

Coumpara Erbo-batudo emé uno autro planto

fotò

Coumpara Cerfuei-fèr emé uno autro planto

fotò